Një ish-ushtar  i TMK-së riktheu me nder një ekzemplar të plotë të asaj uniforme – duke ia dorëzuar muzeut Presidencial “Behgjet Pacolli”

Ish-Presidenti i vendit, Behgjet Pacolli thotë se përmes Fondacionit “Behgjet Pacolli” ka dhuruar uniforma (veshmbathje) dhe pajisje tjera ushtarake për te gjithë ushtarët e Kosovës, shkruan Arbresh.info.

“Nga radhët e UÇK-së doli Trupa Mbrojtëse e Kosovës, në një kohë kur vendi po ngrihej nga hiri i luftës. Atëherë, përmes Fondacionit “Behgjet Pacolli” dhurova uniforma (veshmbathje) dhe pajisje tjera ushtarake për te gjithe ushtarët e Kosoves që mbanin mbi supe shpresën e një populli të lirë. Sot, pas 25 vitesh, një ish-ushtar i TMK-së riktheu me nder një ekzemplar të plotë të asaj uniforme – duke ia dorëzuar muzeut Presidencial “Behgjet Pacolli”.”, ka shkruar ai.

Pacolli thotë se uniforma ishte shumë më tepër se veshje – ishte simbol i sakrificës, i lirisë dhe i kujtimit që nuk vdes kurrë.

“Një gjest i heshtur, por plot kuptim. Sepse uniforma ishte shumë më tepër se veshje – ishte simbol i sakrificës, i lirisë dhe i kujtimit që nuk vdes kurrë.”, shtoi ai./Arbresh.info/