Një fëmijë lëndohet në një çerdhe në Lipjan, policia interviston edukatoren

10:09 | 7 Tetor 2025
E.K

Një fëmijë ka pësuar lëndime trupore të hënën në një çerdhe në Lipjan.

Pas paraqitjes së rastit nga familjarët në stacionin policor, Policia e Kosovës ka iniciuar hetimet për lëndim trupor.

Sipas familjarëve, fëmija është rrëzuar gjatë kohës sa ishte nën kujdesin e edukatores, për të cilën pretendojnë se e ka shtyrë, duke i shkaktuar lëndime në fytyrë.

Zëdhënësja e Policisë për rajonin e Prishtinës, Flora Ahmeti, ka konfirmuar për Arbresh.info se rasti është hapur dhe po trajtohet në procedurë të rregullt, sipas udhëzimeve të prokurorit të shtetit.

“Dje rreth orës 15:00 në stacionin policor në Lipjan është iniciuar një rast lëndim trupor. Ankuesja dhe e dyshuara janë intervistuar. Rasti po trajtohet në procedurë të rregullt përkitazi me udhëzimet e prokurorit të shtetit”, ka thënë ajo./Arbresh.info