Komisioni Qendror i Zgjedhjeve para pak kohësh ka publikuar listat e kandidatëve që kanë fituar ulëse nëpër asambletë komunale në mbarë Kosovën si rezultat i zgjedhjeve lokale të 22 tetorit.

Veç listës së kandidatëve që kanë fituar ulëse, KQZ ka publikuar edhe listën e plotë të kandidatëve për asamble dhe votat që ka marrë secili prej tyre. Ajo që ka çuditur është numri i madh i shumë kandidatëve që nuk arritën ta fitojnë asnjë votë, shkruan Insajderi.com

Nisma për Kosovën është partia e cila prinë për nga numri më i madh i kandidatëve të cilët nuk e votuan as vetën dhe morën kështu zero vota. Gjithsej 26 kandidatë për asamblistë të kësaj partie nuk morën asnjë votë.

Partia e dytë që futet në këtë listë si partia e dytë me më së shumti kandidatë që nuk morrin asnjë votë është Alternativa. Ky subjekt politik ka gjithsej 18 kandidatë që nuk kanë asnjë votë.

Partia Demokratike e Kosovës, Aleanca për Ardhmërinë e Kosovës dhe Aleanca për Kosovën e Re, janë partitë që gjashtë kandidatë të këtyre partive nuk fituan asnjë votë.

Pesë kandidatë nga partia Fjala nuk morrin asnjë votë ndërsa, nga LDK-ja tre kandidatë për asamble nuk e votuan as vetën. Ndërkaq vetëm një kandidatë i Vetëvendosjes nuk ka arritur të marrë asnjë votë.