Me shumë të ftuar nga shumë vende të botës, nis ceremonia shtetërore e varrimit të ish-presidentit Martti Ahtisaari.

Po mbahet ceremonia e funeralit shtetëror për ish-presidentin finlandez Martti Ahtisaari, ku po merr pjesë edhe presidentja e vendit Vjosa Osmani dhe ish presidneti Fatmir Sejdiu.

Krerët më të lartë shtetërorë të Finlandës nderojnë kujtimin e ish-presidentit Ahtisaari.

Ish-presidenti Martti Ahtisaarit, ishte kryenegociatori ndërkombëtar për statusin e Kosovës.

Ish-presidenti Martti Ahtisaari ndërroi jetë më 16 tetor në Helsinki. Ai ishte 86 vjeç. Ahtisaari ishte President i Republikës së Finlandës nga viti 1994 deri në vitin 2000.

Kujtojmë  se Martti Ahtisaari,  ish-ndërmjetësuesi kryesor i Organizatës së Kombeve të Bashkuara (OKB) për zgjidhjen e statusit të Republikës së Kosovës, njëherësh ish-president i Finlandës, ka vdekur më 16.10. 2023, në moshën 86-vjeçare./Rtk/