Ngjarjet e paralajmëruara të ditës

07:09 | 28 Mars 2023
Vjollca Gajraku

Këto janë ngjarjet e paralajmëruara që karakterizojnë ditën e sotme.

 

09:30

Presidentja e Kosovës, Vjosa Osmani, do të bëjë homazhe në Kompleksin Memorial në Izbicë. (Izbicë, Skenderaj)

 

09:30

Kryetari i Këshillit Gjyqësor të Kosovës, Albert Zogaj, dhe kryetari i Prishtinës, Përparim Rama, nënshkruajnë Memorandum Mirëkuptimi në lidhje me Thirrjet elektronike të dërguara nga gjykata themelore në Komunën e Prishtinës. (KGJK, rr. “Luan Haradinaj”, Prishtinë)

 

09:30

Qendra Kosovare për Studime të Sigurisë (QKSS) organizon tryezë të rrumbullakët me temën “Mësimet e nxjerra nga pandemia COVID-19 në Kosovë”. (Hotel “Sirius”, Prishtinë)

 

10:00

Kryeshefit i Inspektoratit Policor, Kushtrim Hodaj, paraqet raportin vjetor të punës për vitin 2022 në Komisionin për Çështje të Sigurisë dhe të  Mbrojtjes. (Kuvendi i Kosovës, N302)

 

10:00

Ministri i Shëndetësisë, Arben Vitia, do të marrë pjesë në tryezën e diskutimit publik lidhur me listën e re të barnave esenciale. (Hotel “International Prishtina”)

 

12:00

Federata e Xhudos së Kosovës organizon demonstrimin e xhudos në shkollën model “Qamil Batalli” në Prishtinë, i cili ka për qëllim promovimin e këtij sporti si aktivitet jashtëshkollor në shkollat fillore dhe të mesme në Kosovë. (Shkolla “Qamil Batalli”, Prishtinë)

 

13:00

Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione diskuton lidhur me punën e Komisionit Qeveritar për Njohjen dhe Verifikimin e Statusit të Personave të Dhunuar gjatë Luftës; shqyrton Projektligjit për Parandalimin dhe Mbrojtjen nga Dhuna nё Familje, Dhuna ndaj Grave dhe Dhuna nё Baza Gjinore etj. (Kuvendi i Kosovës, N302)

 

14:00

Komisioni për Buxhet, Punë dhe Transfere shqyrton listën e kandidatëve për plotësimin e pozitës së Guvernatorit të Bankës Qendrore të Republikës së Kosovës. (Ndërtesa e Kuvendit, C203)

Shpërndaje në rrjete sociale