Nesër Kuvendi i Kosovës mban ceremoninë e dorëzimit të letrave të falënderimit për gazetarët ukrainas me rastin e njëvjetorit të pushtimit të Ukrainës nga agresori rus.

Kjo u bë e ditur përmes një komunikate për media nga Kuvendi – Drejtoria për Media dhe Marrëdhënie me Publikun, përcjell arbresh.info

“Në njëvjetorin e pushtimit të paprovokuar rus në Ukrainë, të premten, më 24 shkurt 2023, në emër të popullit të Kosovës organizohet ceremoni e pritjes dhe dorëzimit të letrave të falënderimit për gazetarët ukrainas të strehuar në Kosovë”, thuhet në njoftim.

Ceremonia pritet të filloj nga ora 13:15.

Në këtë ceremoni pritet të marrin pjesë edhe presidentja Vjosa Osmani, kryeministri Albin Kurti, krye parlamentari Glauk Konjufca si dhe përfaqësuesja e gazetarëve ukrainas në Kosovë Luidmyla Makei, të cilët do të mbajnë edhe fjalim hyrës.