Janë gjetur mbetje mortore që dyshohet të jenë të personave të zhdukur gjatë luftës së fundit në Kosovë.

Lajmin e ka bërë të ditur përmes një postimi në Facebook, kryesuesi i Komisionit Qeveritar për Persona të Zhdukur, Andin Hoti, raporton Arbresh.info.

“Pas përfundimit të gërmimeve në Bishtazhin të Gjakovës, në zbatim të Planit të Punës, pas konsultimeve ndërinstitucionale ekipet e Komisionit Qeveritar për Persona të Zhdukur, Institutit të Mjekësisë Ligjore dhe Drejtorisë së Policisë për Hetimin e Krimeve të Luftës , me mbështetjen edhe të ekspertëve të EULEX-it dhe Komitetit Ndërkombëtar të Kryqit të Kuq sot kanë vazhduar me gërmimet në lokacionin e varrezave në lagjen Arbanë të Prizrenit. Gërmimet e filluara paradite , kanë rezultuar me gjetjen dhe zhvarrosjen e eshtrave (mbetjeve mortore) te minimumi një individi, viktimë e luftës, që potencialisht vazhdon të jetë në

Listën e Personave të Zhdukur”, shkruan Hoti në Facebook.

Sipas tij, pas zhvarrimit do të vazhdohet me procedurat e nevojshme të ekzaminimeve mjekoligjore dhe identifikimit përmes analizës së ADN-së në Komisionin Ndërkombëtar për Persona të Zhdukur./Arbresh.info/

Njoftimi i plotë: