Në kompleksin “Adem Jashari” hapet ekspozita “Të ndarë por të pashkëputur”

12:21 | 29 Nëntor 2022
E.H

Për nderë të 28 nëntorit, në Kompleksin Memorial “Adem Jashari” në Prekaz u prezantua ekspozita “Të ndarë por të pashkëputur”, organizuar nga Agjencia Shtetërore e Arkivave të Kosovës në bashkëpunim me Drejtorinë e Përgjithshme të Arkivave të Shqipërisë.

Kjo ekspozitë përmban 25 pano me dokumente, fotografi dhe shkrime gazetash të kohës, për ngjarje dhe aktivitete të ndryshme që, në thelb, kishin veprimtarinë patriotike shqiptare, duke filluar prej kohës së Lidhjes Shqiptare të Prizrenit e deri në ditët e tanishme.

Përmes tyre pasqyrohet rrugëtimi dhe kontributi i personaliteteve shqiptare drejt lirisë dhe shtet formimit.

Ekspozitën e vizitoi edhe ministri i Kulturës, Hajrulla Çeku./arbresh.info/