Policia në Ferizaj ka realizuar projektin  tradicional minimaratona ” Vrapojmë me Policinë Tonë”, që është mbajtur sot për nderë të ”Dita e çlirimit të Ferizajt” .

Sipas njoftimit, ky aktivitet kishte qëllimin human, sportiv dhe rekreativ, shkruan Arbresh.info.

“Mjetet e grumbulluara nga kjo minimaratonë do tu shpërndahen disa familjeve në nevojë që do të përzgjedhen nga Qendra për Punë Sociale në Ferizaj.”, thuhet në njoftim.

Tutje, theksohet se në këtë minimaratonë kanë garuar rreth 220 persona, qytetarë , pjesëtarë të policisë, pjesëtarë të FSK-së , klube sportive dhe institucione tjera, ndërsa numri i përgjithshëm i përkrahësve ishte rreth 415 persona.

“Shtegu i vrapimit ishte rreth 5 kilometra, nga palestra ”Bill Clinton” përgjatë rrugës ”Brahim Ademi” e deri te rrethrrotullimi që të dërgon tek ”Parku i lirisë” dhe anasjelltas.”, theksohet në njoftim.

Në fund të kësaj minimaratone u shpërndanë mirënjohje, medalje dhe kupa për vendet fituese./Arbresh.info/