Ndërron jetë ish-ushtari i UÇK-së, Esat Tahiri

10:37 | 12 Maj 2024
E.H

Ka ndërruar jetë ish-luftëtari i Ushtrisë Çlirimtare të Kosovës, Esat Tahiri.

Kështu ka bërë të ditur nënkryetari i Skenderajt, Sami Lushtaku teksa u ka shprehur ngushëllime familjes Tahiri, përcjell Arbresh.info.

Sipas Lushtakut, Tahiri ishte luftëtar i zoti i UÇK-së dhe bashkëpunëtor në Trupat Mbrojtëse të Kosovës.

Postim i plotë:

Me zemër të thyer e dhembje të thellë mora lajmin për vdekjen e bashkëluftëtarit sypatrembur, mikut të veçantë, bashkëpunëtorit të ngushtë e bashkëqytetarit të respektuar, Esat Tahiri.

Esati ishte luftëtar i zoti në Ushtrinë Çlirimtare të Kosovës, bashkëpunëtor i imi i ngushtë në Trupat Mbrojtëse të Kosovës, burrë i fjalës e punëtor i palodhur. Kontributi i tij për lirinë, pavarësinë dhe shtetndërtimin e Kosovës do të mbetet i paharruar.

Ngushëllime familjes Tahiri, miqve e dashamirëve.

U prehtë në paqe!
SL