Ndryshimi i kufijve në vendet e Ballkanit Perëndimor është diçka që komuniteti ndërkombëtar nuk do ta lejojë.

Kështu vlerëson Ján Cingel, hulumtues në Programin Evropian të Fqinjësisë në Institutin e Politikave GLOBSEC, duke shtuar se nuk është e mundur dhe e mençur të ndryshohen kufijtë në Ballkanin Perëndimor.

“Kjo do të ishte një gjë katastrofike që mund të ndodhte, sepse me këtë ju do të hapni kutinë Pandora e cila është shumë më e madhe sesa marrëdhëniet vetëm serbo-shqiptare. Ka edhe vende të tjera që mund dhe do të preken,” shprehet Cingel në një intervistë për EWB.

Deklaratat për Shqipërinë e Madhe ai i shehsi një lloj retorike parazgjedhore për të tërhequr votuesit, mjaft tipike për Ballkanin, transmeton arbresh.info.

“Serbia reagon me shumë ndjeshmëri ndaj bisedimeve për Shqipërinë e Madhe dhe kjo është për shkak të historisë së kohëve të fundit dhe Kosovës. Është shumë e kuptueshme që pozita e tyre është që të monitorojnë me shumë ndjeshmëri gjendjet e palës shqiptare.”

Është shumë e rëndësishme, prandaj shpreson dhe beson se të gjitha këto deklarata do të qëndrojnë vetëm në nivelin e bisedimeve./arbresh.info/