Minsitrja e Arsimit, Shkencës, Teknologjisë dhe Inovacionit,  Arbërie Nagavci ka shkruar për dorëheqjen e Armend Mehaj nga pozita e ministrit të Mbrojtjes.

Përmes një postimi në Facebook, Nagavci shkroi se me ministrin Mehaj, bashkëpunimi ka qenë konstruktiv, professional dhe I vazhdueshëm, shkruan Arbresh.info.

Tutje ajo përmendi edhe inicimin e përbashkët për programin Edukim për Siguri si dhe futjen e lëndës së Sigurisë në planprogramin shkollor.

“Me ministrin Mehaj, bashkëpunimi ka qenë konstruktiv, profesional e i vazhdueshëm. Inicuam bashkë programin Edukimi për Siguri dhe futjen e lëndës së Sigurisë në planprogramin shkollor.”, shkroi ministrja Nagavci në Facebook.

“Filluam sivjet realizimin e programit në bashkëpunim të ngushtë me Ministrinë e Mbrojtjes, Forcës së Sigurisë, Drejtoritë Komunale të Arsimit, Ministrinë e Punëve të Brendshme, Policinë e Kosovës dhe Ministrinë e Kulturës, Rinisë dhe Sportit.”, shkroi ajo.

Duke i uruar mbarësi Mehajt, ministrja Nagavci uroi edhe ministrin e ri të Mbrojtjes, Ejup Maqedonci për pranimin e detyrës teksa shtoi se  beson në vazhdimin e suksesshëm të punëve të filluara ashtu si dhe avancimin e Forcës së Sigurisë së Kosovës./Arbresh.info