Mustafa: LDK është e para, me meritë të plotë

01:37 | 23 Tetor 2017
Trina Galanxhi

Kryetari i LDK’së Isa Mustafa thotë se partia që ai udhëheq me plot meritë është partia e parë në vend.

Nëpërmjet Facebook’ut, Mustafa i ka uruar fitoren Arban Abrashit, i cili në balotazh do të garojë kundër Shpend Ahmetit.

Shkrimi i plotë i Mustafës në Facebook:

Fituam sepse nuk u dorëzuam.

LDK është e para, me meritë të plotë. Faleminderit qytetarë për besimin tuaj. Faleminderit kryetarë të komunave që punuat mirë dhe me nder; dhe juve kandidatëve të rinj për kryetarë të komunave e këshilltarëve të Kuvendeve Komunale për kulturën që treguat në këto zgjedhje. Urime Arban fitorja në Prishtinë!

Sipas DnV’së LDK është partia e parë në vend me 210 mijë vota, 70 mijë më shumë se partia e dytë, që është PDK.