Kryeministri i Kosovës, Isa Mustafa, priti të martën në takim një delegacion nga Izraeli të përbërë nga zëvendësdrejtori i përgjithshëm, drejtues i Divizionit për Euroazi dhe Ballkan në Ministrinë e Punëve të Jashtme të Izraelit, Zvi Rav-ner, drejtorin e Departamentit për Rajonin e Ballkanit, ambasadorin Dan Oryan si dhe ambasadorin Yossef Levy.

Kryeministri Mustafa, i njoftoi diplomatët e lartë izraelitë për progresin në Kosovë, duke theksuar fokusimin e Qeverisë së Kosovës në realizimin e prioriteteve të saj për zhvillim ekonomik, integrime euroatlantike dhe forcimin e shtetit ligjor.

Duke i falënderuar për përkrahjen që Izraeli ka dhënë për Kosovën, kryeministri Mustafa, shprehu përkushtimin e Qeverisë së Kosovës për fuqizimin e marrëdhënieve dhe shkëmbimeve ndërmjet Kosovës e Izraelit.

Zëvendësdrejtori i përgjithshëm, njëherësh drejtues i Divizionit për Euroazi dhe Ballkan në Ministrinë e Punëve të Jashtme të Izraelit, Zvi Rav-ner vlerësoi progresin e arritur në Kosovë.

Ai, po ashtu, shprehu vullnetin e Izraelit për fuqizimin e bashkëpunimit, me theks të posaçëm në fushën e ekonomisë, kulturës dhe fusha të tjera të jetës.

Gjatë takimit, u bisedua edhe për zhvillimet aktuale në Kosovë d he më gjerë, si dhe për mundësitë konkrete të bashkëpunimit ndërmjet Kosovës dhe Izraelit në këtë fazë.