Musliu në 7 vjetorin e Ushtrisë: Një nga vendimet më të rëndësishme që nga shpallja e pavarësisë

11:46 | 14 Dhjetor 2025
E.H

Kandidatja për deputete nga radhët e PDK-së, Ganimete Musliu ka kujtuar sot 7 vjetorin e themelimit të Ushtrisë së Kosovës.

Përmes një postimi në Facebook, Musliu tha se 14 dhjetori 2018 ishte një nga ditët historike dhe një nga vendimet më të rëndësishme që nga shpallja e pavarësisë së Kosovës në vitin 2008

“Më 14 dhjetor 2018, Parlamenti i Kosovës me 106 vota pro dhe një abstenim miratoi tri ligjet që e ndryshojnë mandatin e Forcës së Sigurisë së Kosovës (FSK) në ushtri të Kosovës. Ligjet që u miratuan ishin Projektligji për Ministrinë e Mbrojtjes, Projektligji për Forcën e Sigurisë së Kosovës dhe Projektligji për shërbim në Forcën e Sigurisë së Kosovës. Ishte kjo një ditë historike dhe një nga vendimet më të rëndësishme që nga shpallja e pavarësisë së Kosovës në vitin 2008”, ka shkruar Musliu./Arbresh.info