Deputetja e Partisë Demokratike të Kosovës (PDK), Ganimete Musliu, ka kritikuar ashpër presidenten Vjosa Osmani, duke e akuzuar për mungesë qëndrueshmërie politike dhe për shfrytëzimin e emrit të Ibrahim Rugovës.

Sipas saj, Osmani po vepron si “marionetë e kryeministrit Albin Kurti dhe e ndihmës së tij Dejona”, duke alternuar qëndrimet politike dhe duke përdorur emrin e Rugovës për qëllime personale.

Postimi i plotë:

Edhe me Albinin edhe me Rugovën

Mënyra se si Vjosa Osmani po mundohet të mbahet në skenën politike është mënyra më e neveritshme dhe si e tillë duhet të gjykohet.

Një grua me zero qëndrueshmëri politike e cila pa fije turpi (nëse e di ende se çka është turpi) ajo shfrytëzon emrin e Rugovës në ndërkohë që është shndërruar në marionetë të Albinit e Dejones.

Me patetizmin e saj të njohur, dhe pa u skuqur fare, përkujton Rugovën të cilin shefi i saj aktual Albin Kurti e kishte zeruar si figurë politike.

E moj Vjosë,po nuk të shitet më pozicionimi herë në të djathtë e herë në të majtë.

Nuk puçen askund Albini me Ibrahimin, as si njerëz e as si koncepte politike.

E ti në mes veç se po na e dëshmon që je një hipokrite pa përmbajtje as njetëzore, as intelektuale dhe as politike.

Po e dëshmon se je një masë plasteline në duar të neokumunistave si Albini e Dejona.

Po e dëshmon se nuk je Presidente e popullit, por e Dejones dhe e Albinit. Po e dëshmom se rugovizmi yt ishte dhe është farsë./Arbresh.info