Sot gjatë ditës në media u raportua se pensionet e veteranëve të UÇK-së në Shqipëri janë ndalur që disa muaj.

Në lidhje me këto raportime, me anë të një postimi ka reaguar Ministri i Financave, Hekuran Murati.

Murati tha se pensionet janë ndalur për disa veteranë të cilët kanë të ardhura tjera. Ministri tha se vetëm po e zbaton ligjin.

Postimi i tij plotë:

Vetëm po zbatojmë ligjin!

Veteranët e UÇK-së që i plotësojnë kushtet sipas ligjit, përfshirë edhe ata në Shqipëri, vazhdojnë të marrin pensionin e veteranit.

Pensionet janë ndalur për disa veteranë të cilët kanë të ardhura tjera, kriter ky që aplikohet edhe ndaj veteranëve të UÇK-së në Kosovë.

Pra momentin që një veteran ka të ardhura tjera, nuk mund të përfitojë nga pensioni i veteranit.

Këtë e përcakton ligji, pavarësisht vendndodhjes. Andaj nuk qëndron ajo që po tentohet të paraqitet në disa media.