Murati për pagën minimale: 350 euro për punë me orar të plotë

13:47 | 31 Janar 2025
K.B

Ministri i Financave, Hekuran Murati, në një konferencë për medie pas mbledhjes së Qeverisë, i pyetur për pagën minimale tha se kjo çështje është miratuar në vitin e kaluar, duke sqaruar se ajo përmban 2 euro për orë punë apo 350 euro për një punë me orar të plotë.

Ai tha se kushdo që nuk paguhet në këtë masë sipas pagën minimale, duhet të paraqesë ankesë.

“Ne, si qeveri dhe institucionet përkatëse, organet ligjzbatuese, si Inspektorati i punës dhe ATK jemi të duhet gatshëm të marrim e masa ashtu siç parasheh ligji…”, tha Murati.

Ndërsa ministri i Shëndetësisë, Arben Vitia, foli për mbështetjen financiare për bashkëkombësit tanë nga Lugina e Preshevës dhe Mali i Zi për specializim në mjekësi./rtk