Ministri i Financave, Hekuran Murati ka thënë se nga ky muaj do të bëhet ekzekutimi i pagesave me rritje për pensionistët për 20 përqind.

Kështu ka bërë të ditur ministri Murati me anë të një postimi në Facebook.

“Siç edhe e pati paralajmëruar Kryeministri Kurti në tetor të vitit të kaluar, me rastin e hyrjes në fuqi të ligjit të buxhetit, sot Qeveria miratoi vendimin për rritjen e pensioneve për 20% për kategoritë e dala nga lufta. Ekzekutimi i pagesave me rritje do të fillojë që nga ky muaj. Qeveria për të gjithë!”, shkroi ai.

Ndryshe, Qeveria e Kosovës në mbledhjen e sotme ka miratuar sot vendimin për rritjen e pensioneve për kategoritë e dala nga lufta.

Sipas vendimit të miratuar, pensionet për kategoritë e luftës do të rriten për 20%, duke përfshirë familjet e dëshmorëve, invalidët, veteranët, pjesëtarët e UÇK-së, viktimat e dhunës seksuale gjatë luftës, viktimat civile dhe familjet e tyre.

Ky vendim u miratua nga të gjithë pjesëtarët e kabinetit të Qeverisë që ishin të pranishëm në mbledhjen e sotme./Arbresh.info/

LEXO EDHE:

Qeveria rrit pensionet për invalidët, veteranët dhe pjesëtarët e UÇK-së