Deputeti nga radhët e Lëvizjes Vetëvendosje, Armend Muja, ka shkruar për blerjen e energjisë elektrike nga Serbia, duke thënë se importi i rrymës nga Serbia ka qenë zakon gjatë qeverisjes së PDK-së.

“Me ardhjen e Qeverisë Kurti, Kosova kryesisht nuk blen më rrymë nga Serbia. GEN doo është kompani Sllovene. Kosova nē vitin 2021 ka importuar kryesisht nga këto shtete: Sllovenia, Shqipëria, Danimarka, Maqedonia e Veriut”, ka shkruar Muja në një postim në Facebook, transmeton Klankosova.tv.

Tutje Muja tha se duhet të jetë një Komision Hetimor për energjinë e elektrike, por se ky Komision duhet të hetojë PDK-në për shitjen e KEDS-it dhe se si sipas tij, PDK detyroi qytetarët e Kosovës të paguajnë faturat e rrymës në veri për periudhën 2013-2016.

“Ne gjithsesi duhet të kemi një Komision Hetimor për energjinë elektrike: si PDK e shiti KEDS për 26 milion euro? Si ka mashtruar PDK me kinse investimin e 300 milion euro në rrjet të distribuimit gjatë shitjes së KEDS? Pse PDK-LDK nuk investuan në renovim të Kosova A por importuan rrymë nga Serbia? Si ja dha Qeveria e PDK furnizimin e rrymes për veri EPS (ElektroPrivredaSrbije), Si detyroi PDK qytetarët e Kosovës të paguajnë faturat e rrymës në veri 2013-2016 (shtesë në fatura)! Si ka detyruar PDK në vitin 2017 KOSST të mbuloj faturat e energjisë në veri? Kush nga PDK por edhe të tjerët ka fituar kontratat dhe ka punësuar në KEK 2010-2021?”, u shpreh Muja./arbresh.info/