Trupi i pajetë i Faton Hajrizit ka arritur në Kosovë në orët e para të së premtes. Vetura me të cilën po transportohej trupi i tij arriti në Merdar rreth orës 02:00.

Ministria e Punëve të Jashtme e ka konfirmuar edhe një herë se trupi i Faton Hajrizit që u vra në Lloznicë të Serbisë ka mbërritur në Kosovë.

Sipas MPJ-se, institucionet përkatëse të Kosovës po i kryejnë procedurat e mëtejme mjeko-ligjore për identifikimin dhe verifikimin e tij.

“Ministria e Punëve të Jashtme dhe Diasporës njofton opinionin publik që trupi i pajetë i qytetarit të Kosovës, i raportuar si i vrarë në Lloznicë të Serbisë, tashmë ka mbërritur në Kosovë”.

“Pas mbërritjes së trupit të pajetë të shtetasit të Kosovës, institucionet përkatëse të Republikës së Kosovës po kryejnë procedurat e mëtejshme mjeko-ligjore për identifikimin dhe verifikimin e tij”, thuhet në njoftim.

LEXO EDHE:

Vrasje, grabitje e shumë arratisje – Kush ishte Faton Hajrizi?

Konfirmohet se i vrari në Lloznicë të Serbisë është Faton Hajrizi