Ministria e Punëve të Jashtme e Izrealit, ka mirëpritur hapjen e Ambasadës së Kosovës në Jerusalem.

Përmes një postimi në faqen zyrtare në Twitter, thuhet se është bërë një zhvillim i natyrshëm mes dyja vendeve.

“MPJ e Izraelit mirëpret ngrohtësisht hapjen e Ambasadës së Kosovës në Jerusalem. Një zhvillim i natyrshëm i marrëdhënieve mes dyja shteteve në të cilën u realizua edhe marrëveshja e Washingtonit”, thuhet në njoftim.

Lidhur me këtë ka reaguar Partia Demokratike Turke e Kosovës duke thënë se janë të shqetësuar me hapjen e Ambasadës në Jeruzalem, pavarësisht rekomandimeve të vendeve evropiane dhe Turqisë.

Sipas kësaj partie, ky hap i gabuar do të ketë efekte të drejtpërdrejta ndaj reputacionit të Kosovës.

“Ne jemi thellësisht të shqetësuar dhe të brengosur nga hapja e Ambasadës në Jerusalem, statusi ndërkombëtar i së cilës është nën mbrojtje me rezolutat e KB. Pavarësisht këshillave të vendeve evropiane, Republikës së Turqisë dhe paralajmërimeve tona në Parlament, qeveria, e cila gjithashtu ka dalë nga marrja e mbështetjes së popullit të Kosovës, ka diskutuar këtë hap të gabuar që vendi po përpiqet ta finalizojë”, thuhet në reagimin e tyre.