Instituti Hidrometeorologjik i Kosovës njofton se moti për pesë ditët e ardhshme në vendin tonë pritet të jetë relativisht i ngrohtë për këtë periudhë të vitit.

Sipas IHMK-së, temperaturat minimale do të lëvizin ndërmjet -2°C dhe 3°C, ndërsa ato maksimale parashihen të arrijnë nga 7°C deri në 14°C, përcjell Arbresh.info.

“Kjo situatë meteorologjike është rezultat i ndikimit të disa qendrave të presionit të ulët, të cilat kanë përfshirë disa rajone të Evropës. Gjatë pesë ditëve të ardhshme, moti do të jetë kryesisht i vranët, me intervale të herëpashershme me diell, të cilat do të ndikojnë në rritjen e temperaturave gjatë mesditës. Përveç kësaj, në periudha të kufizuara, parashihen edhe riga lokale shiu”, thuhet në njoftimin e IHMK-së

Parashikimi i motit për pesë ditët e ardhshme (24 deri më 28 shkurtë 2025):

E Hënë, 24 Shkurt 2025
Moti do të jetë kryesisht i vranët dhe vende-vende me riga shiu. Temperaturat minimale do të lëvizin nga -1C deri në 1°C, ndërsa ato maksimale nga 3°C deri në 6°C. Do të fryjë erë nga juglindja me shpejtësi 1-4 m/s.

E Martë, 25 Shkurt 2025
Parashikohet mot me diell dhe vranësira të shpërndara. Temperaturat minimale do të zbresin nga -2°C deri në 0°C, ndërsa maksimalet nga 7°C deri në 11°C. Era do të jetë e lehtë deri mesatare nga drejtimi i jugperendimit.

E Mërkurë, 26 Shkurt 2025
Do të mbajë mot me vranësira dhe intervale me diell. Temperaturat minimale do të lëvizin nga -2 °C deri në 1°C, ndërsa maksimalet nga 8°C deri në 12°C. Do të fryjë erë e lehtë nga jugperendimi me shpejtësi 1-4m/s.

E Enjte, 27 Shkurt 2025
Moti parashikohet kryesisht i vranët dhe vende-vende me mundësi për riga shiu. Temperaturat minimale do të lëvizin nga 0°C deri në 3°C, ndërsa ato maksimale nga 9°C deri në 13°C. Era do të fryjë nga veriperëndimi me shpejtësi 1-3 m/s.

E Premte, 28 Shkurt 2025
Moti do të jetë i vranët dhe me intervale të shkurtra me diell. Vranësirat vende-vende mund të sjellin riga të dobëta shiu. Temperaturat minimale do të lëvizin nga 0°C deri në 3°C, ndërsa maksimalet nga -9°C deri në 14°C. Era do të fryjë e lehtë nga veriperëndimi me shpejtësi 1-4 m/s./Arbresh.info