Moti për javën e ardhshme, ngritën temperaturat

19:14 | 20 Mars 2016
M. A.

Masat e ajrit të ardhura nga pjesa jugperëndimore e vendit do të jenë të qëndrueshme për dy ditët e para të javës. Në këtë kushte do të mbajë mot i vranët dhe me intervale kohore me diell, përcjell arbresh.info

Vranësirat gjate ditës vende-vende parashihen të shoqërohen me riga shiu. Temperaturat minimale do të lëvizin nga 3-6 gradë Celsius, kurse maksimalet e ditës pritet të arrijnë nga 14-17 gradë Celsius. Do te fryjë erë nga jugperëndimi me shpejtësi 1-9m/s.

Nga dita e mërkurë deri të premten vendi ynë do të ndikohet nga fushat ciklonike të cilat vijnë nga veriu i Kontinentit. Kjo gjendje e ulët barike nën vlerat e normales do të kushtëzoj një mot jostabil dhe të paqëndrueshëm, i shoqëruar me reshje shiu ne viset e ulëta, derisa në viset malore serish pritet të ketë reshje bore.

Temperaturat minimale do të lëvizin ndërmjet 1-3 gradë Celsius, kurse maksimalet e ditës pritet të arrijnë ndërmjet 7-9 gradë Celsius. Do të fryjë erë nga veriu dhe veriperëndimi me shpejtësi 1-11m/s./Arbresh.info