Katër persona janë arrestuar mbrëmjen e sotme në lagje Emshir në Prishtinë, pas një mosmarrëveshjeje ndërmjet tyre.

Lajmin për Arbresh.info e ka konfirmuar zëdhënësja e policisë për rajonin e Prishtinës, Flora Ahmeti e cila shtoi se mosmarrëveshja erdhi pas një aksidenti në trafik në rrugën “Ali Vitija”.

Ahmeti theksoi se katër persona janë arrestuar për mospërfillje të urdhërave të policisë.

“Rreth orës 19:00 është pranuar informata për një mosmarrveshje mes disa personave pas një aksidenti në trafik, të ndodhur në rrugën ‘Ali Vitija’, në Prishtinë. Policia ka dalë në vendin e ngjarjes, ka ndërrmarrë veprimet e nevojshme dhe për mospërfillje të urdhërave të policisë, janë shoqëruar në stacionin policor katër persona.”, ka thënë Ahmeti.

Sipas saj, Polica është duke i trajtuar rrethanat e ngjarjes.