Policia e Kosovës ka njoftuar se, kanë pranuar raportime se gjatë një ahengu familjar ka ndodhë një mosmarrëveshje mes disa personave.

Në njoftim thuhet se si pasojë e kësaj, viktima femër  ka pësuar lëndime nga mjeti i mprehtë thikë e cila është përdorur në rast nga të dyshuarit.

Po ashtu është njoftuar se një i dyshuar është arrestuar dhe me vendim të prokurorit është dërguar në mbajtje pasi që kishte edhe urdhër arrest nga gjykata.

“INCIDENTET KRIMINALE. LËNDIM I LEHTË TRUPOR. Rr. Hasan Prishtina, Prizren, 15.08.2022 – 19:50. Është raportuar se gjatë një ahengu familjar ka ndodhë një mosmarrëveshje mes disa personave kosovar, si pasojë viktima femër kosovare ka pësuar lëndime nga mjet i mprehtë thikë e cila ishte përdorë në rast nga të dyshuarit. Ajo është dërguar për tretman mjekësor dhe pastaj është liruar në shtëpi. Një i dyshuar është arrestuar dhe me vendim të prokurorit është dërguar në mbajtje pasi edhe kishte urdhër arrest nga gjykata”. /arbresh.info/