Një person është vrarë dje në lagjen ‘Arbana’ në Prizren nga një i dyshuar me armë zjarri, raporton Policia e Kosovës.

Sipas Policisë, deri tek vrasja erdhi pas një mosmarrëveshje që kanë pasur viktima me dorasin.

Në vendin e ngjarjes kanë dalë njësitet policore, prokurori kujdestar dhe ekipi mjekësor i cili ka konstatuar vdekjen e viktimës.

Trupi i pajetë i viktimës është dërguar në IML për obduksion.

Ndërsa policia ka kryer bastisje në lokacione të ndryshme në kërkim të vendndodhjes së të dyshuarit i cili është ende në kërkim.

Lidhur me rastin janë duke u kryer hetime intensive.

“Prizren 03.09.2023-18:45. Dyshohet se i dyshuari mashkull kosovar pas një mosmarrëveshje që kishte pasur me viktimën mashkull kosovar, ka shtënë me armë zjarri në drejtim të tij. Si pasojë e plagëve të marra viktima ka ndërruar jetë. Në vendin e ngjarjes kanë dalë njësitet policore, prokurori kujdestar dhe ekipi mjekësor i cili ka konstatuar vdekjen e viktimës. Me vendim të prokurorit, trupi i pajetë i viktimës është dërguar në IML për obduksion, ndërsa njësitet policore kanë kryer disa bastisje në lokacione të ndryshme në kërkim të vendndodhjes së dyshuarit i cili është në kërkim policor. Lidhur me rastin janë duke u kryer hetime intensive”, thuhet në raportin 24 orësh të Policisë së Kosovës./Arbresh.info

Lexo edhe:

Vritet një person në Prizren