Brenda katër mureve, të privuara nga liria dhe larg familjes si për çdo festë, edhe për Vitin e Ri ndjehen gratë që po e vuajnë dënimin në burgun e Lipjanit.

Me sytë plot pendesë njëra prej të burgosurave thotë që të mos lakmoni, pasi lakmia është e tepërt, dhe njerëzit bëhen mosmirënjohës dhe jo falënderues.

“Kushdo që e shikon këtë internistë kisha dashtë me i thanë mos lakmoni, se lakmia e tepërt nuk e lejon me i vlerësu edhe me i çmua të mirat që i posedoni. Pastaj njerëzit bëhen mosmirënjohës dhe jo falënderues. Kështu që po e shfrytëzoj rastin, edhe pse është fesa e fundvitit, le të vlej kjo për secilin njëri, le t’ ja dinë vlerën asaj që e kanë”, ishte mesazhi i saj.

E privuar nga liria tash e 12 vite, njëra prej të burgosurave në burgun e Lipjanit ka një urim për të gjithë.

Ajo gjatë një interviste për Arbresh.info shprehet se është e penduar për veprën që ka kryer, teksa ka këshilluar të gjithë që të mos gabojnë.

“Unë jua uroj festën e Vitit të Ri të gjithëve, edhe kisha këshillu që mos me gabu. Këto sprova të jetës janë, janë pjesë e jetës tonë por mu mundu mos me gabu. Se vet fjala burg domethënien e ka. Kështu që këtë mesazh ju kisha adresu që mos me gabu”, tha ajo.

Ndryshe, të burgosurat fillojnë ditën që në orën 07:00 të mëngjesit.

Dita e tyre është mjaftë e ngarkuar, ndërsa mësojnë dhe trajtohen që të pasi ato të fitojnë lirinë, të fitojnë edhe një punë.

Të penduara e me mall për të afërmit e tyre, por gjithmonë me shpresë që në ndonjë vit të afërt, nata e ndërrimit të moteve t’i gjejë në shtëpitë e tyre e të lira./Arbresh.info/Ejona Hyseni/