Deputeti i PSD-së, Dardan Molliqaj, ka thënë se procesi i dialogut Kosovë-Serbi është duke shkuar mbrapsht.

Derisa në kuvend po diskutohet për këtë proces, Molliqaj, ka akuzuar presidentin Hashim Thaçi për shpikjen e temës për ndarje të Kosovës.

“Thaçi i then këmbët për dialog dhe disa të tjerë që herë i afrohen e herë kanë synime ta marrin këtë dialog”.

“Gara është mbrapsht, cili ta bëjë garën i pari dhe jo çfarë marrëveshje të nënshkruajë. Thaçi është mjeshtër i manipulimit publik. Ai e ka shpik temën e ndarjes për të krijuar dy efekte. Njëra që kur të pranohet autonomia për veriun të thotë se unë jam shpëtimtari dhe e dyta të shmangë vëmendjen nga përgjegjësia e dialogut që e ka nisur pa mandat”.

“Rrethanat gjeopolitike nuk e lejojnë ndarjen përveç nëse ndodhin ndryshime të mëdha. Çdo tentim për ndarje të Kosovës është plan për të amortizuar autonominë për veriun. Kjo thuhet që kushdo që e ka përfytyrimin për ndarje të Kosovës, kur të vjen autonomia është të thuhet “shpëtuam”.