Italiania Federica Mogherini, Komisoneria e Lartë e Bashkimit Europian për Politikën e Jashtme e Sigurinë është një nga kandidatet e mundshme për fitimin sivjet të çmimit Nobel për Paqen.

Komiteti i Nobelit ka seleksionuar për këtë çmim 318 kandidatë mes të cilëve 103 janë institucione, e Shefja e diplomacisë europiane kuotohet si një nga kandidatet më të favorizuara për këtë çmim të lartë së bashku me ish-Sekretarin Amerikan të Shtetit John Kerry e Ministrin e Jashtëm të Iranit Javad Zarif.

Këta 3 personalitete të larta politike kanë luajtur një rol kyç në nënshkrimin përfundimtar të marrëveshjes bërthamore të 2015 mes Iranit e komunitetit ndërkombëtar.

Ceremonia e dorëzimit të Çmimit Nobel për Paqen pritet të zhvillohet më datë 6 tetor në Oslo, transmeton oranews.

Nëse kryediplomatja europiane Federika Mogherini fiton Çmimin Nobel do të jetë italiania e dytë në histori që vlerësohet me këtë çmim.

Italiani i parë që e ka fituar atë ka qenë gazetari Ernesto Teodoro Moneta, më 1907 me vlerësimin e ngritjes në fund të mjaft organizatave në shërbim të paqes.

Sipas Henrik Urdal, Drejtorit të Institutit të Studimeve për Paqen në Oslo, “një çmim i dhënë në këtë drejtim do të ishte një sinjal për SHBA, e për Donald Trump që së fundmi ka shprehur mendimin për të prishur marrëveshjen e arritur me Iranin gjatë kohës së qeverisjes së Presidentit Obama.”