Ministria për Komunitete dhe Kthim ka ndarë 3 milionë euro për projektet në katër komuna në veri të Kosovës.

Marrëveshja e cila definon projektet dhe formën e realizimit të tyre është nënshkruar në prezencën e kryetarëve të komunave nga veriu i Kosovës në Ministrinë e Pushtetit Lokal.

Ministri Dalibor Jevtiq theksoi se Ministria ka ndarë gjysmën e buxhetit për projektet në veri, dhe shpreson se realizimi i projekteve do të bëhet sipas afateve të caktuara ashtu që të hollat mos të shkojnë në suficit.

Në ceremoninë e nënshkrimit të marrëveshjes përveç ministrit Jevtiq ishin prezent edhe kryetarët e komunave në veri të Kosovës, ministri i Pushtetit Lokal Ljubomir Mariq, ministri i Mjedisit Ferid Agani, si dhe përfaqësuesit USAID-it dhe përfaqësues nga ambasada e SHBA-ve në Kosovë.