Mjeku i familjarëve që ndërruan jetë pas helmimit: U ndoqën të gjitha protokollet, s’kishin shenja të rënda

14:42 | 9 Maj 2021

Anesti Kamburi, mjek në qendrën shëndetësore të Manzës ku kanë shkuar për të marrë mjekim tre antarët e familjes Haliti nga Kosova të cilët ndërruan jetë si pasojë e helmimit, ka deklaruar se ata nuk i kanë thënë mjekëve se kanë ngrënë kërpurdha.

Ai u shpreh se janë ndjekur të gjitha protokollet e mjekimit sipas Ministrisë së Shëndetësisë në dy kohë të ndryshme dhe më pas tre familjarët nga Kosova janë përcjellë për në shtëpi, pas nuk kanë pasur shenja të rënda.

“Në radhë të parë shprehim ngushëllimet për tre personat që kanë ndërruar jetë nga familja Haliti nga Gjilani i Kosovës. Sa i përket dinamikës si ka ndodhur ngjarja nuk ka shumë për të folur., Ata janë paraqitur pranë qendrës shëndetësore në dy kohë.

Janë trajtuar sipas protokollit. Pasi kanë bërë një trajtim të specializuar. Nuk ka pasur neglizhencë. Më pas sa i përket trajtimit të tyre janë ndjekur protokollet. Ata janë bërë më mirë dhe janë nisur drejt banesës ku jetonin. Informacionet për konsumimin e kërpurdhës, ata nuk kanë referuar në asnjë moment që kanë konsumuar kërpurdha.

Kanë thënë se kanë ngrënë ushqime. Sa i përket trajtimit ne ndjekim protokollet. Kartelat janë marrë nga grupet hetimore. Nuk e kemi nxjerrë ne që janë helmuar nga kërpurdhat. Nuk e dimë nga ka dalë ky informacion”, deklaroi mjeku, për mv.abcnews.al.

Ndërsa, familjarët të dielën kanë akuzuar ngelizhencën e mejkëve.

 

Familja Haliti thotë se mjekët neglizhuan rastin, kanë dyshime përtej helmimit

Shpërndaje në rrjete sociale

Lajmet më të lexuara