Ministrja e Arsimit Arbërie Nagafci u ka uruar suksese maturantëve që sot do ti nënshtrohen provimit të maturës.

“Ju uroj shumë suksese sot, në provimin e maturës shtetërore!

Keni përfunduar me sukses vitet e shkollimit, jeni përballur me sfidat që na solli pandemia dhe uroj të finalizoni me rezultatet më të larta provimin e maturës”, ka shkruar Nagafci në Facebook.

Ndër të tjera  ajo tha se nga ana e ministrisë do të kenë gjithmonë mbështetje dhe kërkoi që në këtë provim të japin më të mirën nga vetja.

“Ju siguroj se nga ana jonë do të keni gjithmonë mbështetje të pakursyer, por sot suksesi varet vetëm nga ju.

Andaj, me qetësi e besim jepeni më të mirën nga vetja”, tha ministrja Nagafci.

Rreth 22 mijë maturantë do t’i nënshtron sot provimit të maturës, ndërsa të angazhuar për mbarëvajtje të procesit janë rreth 1600 administrues.

Provimi i maturës fillon në ora 10:00 dhe përfundon në ora 12:30.