Këshilli Gjyqësor i Kosovës (KGJK), ka suspenduar sot kryetaren e Gjykatës Themelore në Mitrovicë, Liljana Stevanoviq.

Pas supendimit të saj, ka reaguar Ministrja e Drejtësisë, Albulena Haxhiu.

Ajo ka mirëpritur vendimin e KGJK-së, duke shtuar se gjyqtarët e kanë për obligim të veprojnë vetëm në përputhje ne Kushtetutën e Republikës së Kosovës, shkruan arbresh.info.

“Kryetarja dhe gjyqtarët e Gjykatës Themelore në Mitrovicë e kanë për obligim të veprojnë vetëm në përputhje ne Kushtetutën e Republikës së Kosovës dhe legjislacionin në fuqi dhe jo të tallen me institucionet. Çfarëdo veprimi sikur ai në takim me Vuqiq është shkelje dhe cenon integritetin e sistemit gjyqësor”.Vendimi i Këshillit Gjyqësor të Kosovës për suspendimin e kryetares së Gjykatës Themelore në Mitrovicë është i drejtë dhe në përputhje me ligjin për përgjegjësitë disiplinore të gjyqtarëve dhe prokurorëve prandaj edhe si të tillë e ka mbështetjen tonë”, shkruan Haxhiu në Facebook.

Suspendimi i kryetares së Gjykatës Themelore në Mitrovicë, Liljana Stevanoviq erdhi pas pjesëmarrjes së saj në takim me presidentin e Serbisë, Aleksandar Vuçiq./arbresh.info/

LEXO EDHE

U takua me Vuçiqin, suspendohet kryetarja e Gjykatës Themelore në Mitrovicë – Arbresh.info