Ministri Vitia takoi ambasadorin e Finlandës në Kosovë, flasin për bashkëpunim në shëndetësi

12:14 | 30 Janar 2023
Vjollca Gajraku

Ministri i Shëndetësisë Arben Vitia gjatë ditës së sotme ka pritur në takim ambasadorin e Finlandës, Matti Nissinen.

Gjatë këtij takimi, ministri Vitia e njoftoi ambasadorin Nissinen lidhur me objektivat dhe reformat të cilat planifikohen të bëhen në sistemin shëndetësor, kjo u bë e ditur përmes një komunikate.

Ai e informoi ambasadorin e Finlandës për prioritetet dhe planet e Qeverisë së Kosovës për ta përmirësuar shëndetësinë në të gjitha nivelet, duke filluar nga përmirësimi i kushteve të punës për profesionistët shëndetësor, projektligjet si dhe projektet kapitale.

Nga ana tjetër Ambasadori Nissinen falënderoi Ministrin Vitia për bashkëpunimin e ofruar dhe shprehi gatishmërinë që raportet mes Kosovës dhe Finlandës të thellohen më tej, duke shfrytëzuar mundësitë e bashkëpunimit në fushën e shëndetësisë midis të dyja vendeve./arbresh.info