Ministri i Mbrojtjes së Republikës së Kosovës Armend Mehaj,  ka përkujtuar në pesëvjetorin e vdekjes së tij  intelektualin Adem Demaçi.

Përmes një postimi në  Facebook, Mehaj ka thënë se përtej shkrimeve e ideve atdhetare këmbëngulësia në luftë kundër regjimit serb, në mbrojtje të së drejtës, barazisë, për liri e pavarësi janë shëmbëlltyrë e një figure stoike që angazhimin e tij politik e shihte si mjet e domosdoshmëri për t’i shërbyer kauzës kombëtare, njerëzore, përtej vetes për popullin, pavarësisht pasojave dhe vuajteve personale.

“Sot teksa shënohet përvjetori i vdekjes së Adem Demaçit, është e pamundur të mos kujtojmë figurën e tij të një personaliteti të papërsëritshëm, kontributi i të cilit tejkalon suazat e letërsisë. Përtej shkrimeve e ideve atdhetare këmbëngulësia në luftë kundër regjimit serb, në mbrojtje të së drejtës, barazisë, për liri e pavarësi janë shëmbëlltyrë e një figure stoike që angazhimin e tij politik e shihte si mjet e domosdoshmëri për t’i shërbyer kauzës kombëtare, njerëzore, përtej vetes për popullin, pavarësisht pasojave dhe vuajteve personale”, ka shkruar tutje Mehaj, raporton Arbresh.info.

Mehaj ka thënë tutje se 28 vitet e qëndrimit të Adem Demaçit në burg në asnjë formë nuk arritën ta ndalnin mendimin e tij kritik, dhe as rrugëtimin e tij që do mbetet gjithmonë shembull ndër breza.

Siç thotë Mehaj, “Mandela i Ballkanit”, e dëshmoi ndërkombëtarisht padrejtësinë që po u bëhej shqiptarëve dhe ishte prijësi dhe më largpamësi në popull i cili kuptoi se vetëm liria e fituar me luftë nuk mund të tjetërsohet dhe se nënshtrimi asnjëherë nuk duhet të jetë opsion”.

Mehaj gjithashtu shtoi se Adem Demaçi është themeli i shtetit tonë të pavarur, emblema politike e Ushtrisë Çlirimtare të Kosovës, intelektuali që pavarësisht mosprezencës fizike është përkujtuesi i përjetshëm i destinacionit final, të ardhmes tonë si shtet e komb.

“Baca Adem është themeli i shtetit tonë të pavarur, emblema politike e Ushtrisë Çlirimtare të Kosovës, intelektuali që pavarësisht mosprezencës fizike është përkujtuesi i përjetshëm i destinacionit final, të ardhmes tonë si shtet e komb”, shkruan Mehaj në Facebook./Arbresh.info