Ministri i Britanisë së Madhe për Çështje Evropiane, Leo Docherty ka thënë se është i kënaqur që forcat e Mbretësisë së Bashkuar po e forcojnë KFOR-in në Kosovë.

Me anë të një postimi në “X”,  Docherty u shpreh se shtimi i trupave të KFOR-it në Kosovë demonstron përkushtimin e Britanisë së Madhe ndaj NATO-s dhe stabilitetit në Ballkanin Perëndimor, shkruan Arbresh.info.

“I kënaqur që forcat e Mbretërisë së Bashkuar po forcojnë KFOR-in në Kosovë, duke demonstruar përkushtimin tonë ndaj NATO-s dhe stabilitetit në Ballkanin Perëndimor.”, ka shkruar ai.

Sipas tij, e vetmja rrugë e qëndrushme drejt paqes në Kosovë është përmes dialogut.

““Ne kërkojmë qetësi dhe de-përshkallëzim nga të gjitha anët. E vetmja rrugë e qëndrueshme drejt paqes në Kosovë është përmes dialogut”, përfundoi ai.

Ndryshe, vendimin e NATO-s për shtimin e trupave  në Kosovë e ka mirëpritur edhe presidentja e vendit, Vjosa Osmani/Arbresh.info

Pleased that UK forces are bolstering KFOR in Kosovo, demonstrating our commitment to NATO and stability in the Western Balkans.

We urge calm and de-escalation from all sides. The only sustainable path to peace in Kosovo is through dialogue.

— Leo Docherty MP (@LeoDochertyUK) September 30, 2023