Ministra e deputetë u dërguan në prokurori për me mos deklarim të pasurisë

11:21 | 4 Gusht 2020
M. A.

Drejtori i Agjencisë Kundër korrupsion, Shaip Havolli është duke raportuar para komisionit për Legjislacion, raporton arbresh.info.

I pyetur se sa zyrtarë të lartë janë dërguar në prokurori, Havolli tha se personat e përfshirë me kallëzime penale i përkasin në nivele të ndryshme.

Ai përmendi se ka deputete e ministra që janë dërguar në prokurori.

“Deputetë, këshilltar, ministra, sekretar të përgjithshëm të ministrave, këshilltar në ambasada, kryetar dhe ish kryetar të komunave, shefa të kabineteve të kryetarëve të komunave, këshilltar dhe ish këshilltar të asamblesë komunale, prorektor ish prorektor, dekan dhe prodekan, sekretar, gjyqtarë, prokuror, kryeshefa, etj”, tha Havolli gjatë raportimit të tij para komisionit./arbresh.info/