Ish-zëvendësministrja e Jashtme e Shqipërisë, Edit Harxhi ka reaguar sot pasi u mbajt Forumi Ekonomik në Shkup, ku u diskutua për Mini-Shegenin, ku nga sot do të quhet “Open Ballkan”.

Në këtë forum nuk po merr pjesë Kosova, Mali i Zi dhe Bosnja dhe Hercegovina, ndërsa lidhur me këtë ka reaguar ish zëvendësministrja e Shqipërisë, Edit Harxhi, duke thënë se tre musketarët Rama, Vuçiq dhe Zaev po mundohen t’i tregojnë muskujt duke mbajtur takime të shpeshta për Mini-Shengenin.

“Tre musketarët Rama, Vuçiq dhe Zaev po përpiqen të tregojnë muskujt e tyre SHBA-së dhe BE-së me takimet e tyre të shpeshta dhe Mini-Shengen. Ata mendojnë se e fshehin korrupsionin e tyre duke marrë një rol udhëheqës në Ballkanin Perëndimor. A e dinë ata që Kosova, Bosnja dhe Hercegovina dhe Mali i Zi janë kundër saj? Një Jugosferë e re??”, shkruan Harxhi në Twitter.

The three musketeers Rama, Vucic and Zaev are trying to show their ? to US an EU with their frequent meetings and mini-Schengen.They think they hide their corruption by taking a leadership role in the #WB. Do they know that #Kosova, #BH and #MN are against it? A new Yugosphere??

— Edith Harxhi (@EdithHarxhi) July 29, 2021