Kryetarja e Alternativës, Mimoza Kusari – Lila ka reaguar pas kërkesës së Partisë Demokratike të Kosovës që të përsëritet votimi në Mitrovicë.

Përmes një postimi në Facebook, Kusari – Lila ka pyetur se pse PDK nuk kërkon përsëritje të votimit edhe në Gjakovë, nëse, sipas tyre, bëhet fjalë për “mbrojtjen e votës së lirë”, duke theksuar se gabimi teknik me numrin serik në fletëvotime është paraqitur edhe në Gjakovë, transmeton Arbresh.info.

Postimi i plotë:

Nëse kemi konfirmim nga Komisioni Qendror Zgjedhor se gabimi teknik me numrin serik në fletëvotime është paraqitur në Mitrovicë dhe në Gjakovë, pse me kaq ngulm PDK kërkon përsëritjen e votimit vetëm për Mitrovicën?

Pse nuk e kërkojnë edhe për Gjakovën, nëse sipas tyre është në pyetje “mbrojtja e votës së lirë”?

Nuk e kërkojnë për Gjakovën sepse qëllimin nuk e kanë te demokracia dhe vullneti i qytetarëve, por te mundësia e tretë për ta mbajt Mitrovicën. Nuk po pajtohen që dy raunde të votimit dhe dy raunde të exit poll-it i humbën atje, prandaj po e kërkojnë me ngulm të tretin.

Kjo kërkesë e tyre nuk bazohet në parimin e demokracisë, por në mundësinë për ta deviju atë.

Mundësi për zgjedhje të reja lokale ka, pas katër viteve./Arbresh.info

LEXO EDHE:

Dyshimet për parregullsi me vota, ndërrohet prokurori i rastit në Mitrovicë