Memli Krasniqi: Serbia po kërcënon paqen në rajon

Kryetari i Partisë Demokratike të Kosovës, Memli Krasniqi, e ka quajtur kidnapimin e tre policëve të Kosovës si  shkelje flagrante e sovranitetit dhe integritetit territorial të Republikës së Kosovës nga ana e Serbisë.

Krasniqi ka reaguar përmes një postimi në Facebook, ku ka insistuar se Serbia po kërcënon paqen në rajon.

“Partia Demokratike e Kosovës shpreh indinjatën e thellë dhe denoncon ashpër rrëmbimin e sotëm të tre policëve të Kosovës nga njësitë speciale të policisë së Serbisë. Kjo është një shkelje flagrante e sovranitetit dhe integritetit territorial të Republikës së Kosovës! Aksioni i forcave serbe tregon qartë qëllimin e Serbisë për të shkaktuar tensione dhe për të kërcënuar paqen dhe sigurinë në rajon”, ka thënë Krasniqi.

Ai ka shtuar se Qeveria duhet që të angazhohet urgjentisht dhe me seriozitet për riparimin e raporteve me partnerët strategjikë ndërkombëtarë

Tre policë janë arrestuar në kufij me Serbinë./Arbresh,info/