Memli Krasniqi nga Partia Demokratike e Kosovës, ka thënë se subjekti që ky përfaqëson, janë të gatshëm për zgjedhjet e reja, të cilave iu hapi rrugë një vendim i sontëm i Gjykatës Kushtetuese.

Krasniqi megjithatë në Edicionin Special në Klan Kosova, u shpreh nga ky vendim fitues janë qytetarët e Kosovës.

”Ne besojmë që është një vendim i drejtë. Ne mendojmë që është një hapje e rrugëve të qorrsokakut në të cilën e ka vendosur, Qeveria Kurti bashkë me Qeverinë Hoti në vendin tonë”.

”Kemi një qeveri para së gjithash nuk është në gjendje të funksionojë siç e ka mandatin. Në këtë moment duke parë që atributet thelbësore të kësaj qeverie nuk përmbushet nga problemet që kanë krijuar ata vet”.

”Tani kemi një vendim që i hapë rrugë kësaj çështje. Dhe ne duhet të mendojmë që sa më shpejtë të hapet data e zgjedhjeve”.

A është PDK-ja gati të hyjë në zgjedhje?

”Pa dyshim që një parti serioze dhe e cila ka një përvojë të gjatë qoftë në kuptimin e qeverisjes, por edhe në opozitë në mandatin e fundit, është e gatshme të shkojë në zgjedhje”.

”Është e vërtetë që hendikepi që nuk e kemi Kadri Veselin është evident, por që ne kemi struktura dhe njerëzit e PDK-së janë të gatshëm t’i përvishen punës. Ne si PDK jemi të gatshëm”.