Mbretëria e Bashkuar: Kënaqësi të shohësh FSK-në e Kosovës duke bashkëpunuar, për Defender 25

18:27 | 3 Qershor 2025
E.G

Zyra e atasheut të Mbrojtjes së Mbretërisë së Bashkuar, në Ambasadën britanike në Prishtinë, ka përshëndetur organizimin e “Defender Europe”.

Me anë të një postimi në “X”, nga zyra deklarojnë se është kënaqësi të shohësh FSK-në duke bashkëpunuar me SHBA-në, Maqedoninë e Veriut, Shqipërinë dhe Turqinë, për “Defender 25”, shkruan Arbresh.info.

“Është kënaqësi të shohësh FSK-në e Kosovës duke punuar së bashku me SHBA-në, Maqedoninë, Shqipërinë dhe Turqinë në Ex Defender 25, këtu në Kosovë.

Gjithashtu pamë përpjekjet që dy nga ish-studentët tanë fantastikë të Akademisë Ushtarake Mbretërore Sandhurst – si të Këmbësorisë ashtu edhe të Specialistëve – po bëjnë për zhvillimin e forcës” thuhet në njoftim./Arbresh.info/