Sekretar organizativ i AAK-së për diasporë, Sokol Mehmetaj ka shprehur shqetësimin e tij lidhur me mënyrën se si po transportohen votat nga Cyrihu i Zvicrës për zgjedhjet e 9 shkurtit.

Përmes një postimi në llogarinë e tij në Facebook, Mehmetaj bëri të ditur se transportimi i votave po bëhet në mënyrë të rrezikshme për një periudhë prej të paktën tre ditësh, përcjell Arbresh.info.

“Mirëpo, u informuam se 15483 vota do të transportohën me një autobus, më targa diplomatike shqiptare,CD-55 27A, të shoqëruar nga një shofer dhe ndihmësi i tij, në një udhëtim disaditor nëpër Shtutgart,Vienë,Zagreb,Lubjanë dhe Prishtinë. Kjo përbën një problem të madh jo vetëm për sigurinë fizike të votave, por edhe për transparencën e procesit zgjedhor”, ka shkruar ai.

Ai ka kërkuar nga KQZ që të marr masa në përmirësimin e transportimit të votave

“Kërkoj nga KQZ që të merrni menjëherë masat e nevojshme për të përmirësuar organizimin e këtij lloj transporti dhe për të garantuar sigurinë e zgjedhjeve . Mungesa e ashpërsisë e vërejtur këtu nuk është e pranueshme dhe shpresoj se do të ndërmerren veprime konkrete për të rikthyer besimin e qytetarëve në sistemin zgjedhor”, ka shkruar Mehmetaj./Arbresh.info

Postimi i plotë: