Pas ndarjes nga jeta të ish-Kryetarit të Kuvendit të Kosovës, akademikut dhe profesorit Nexhat Daci, ka reaguar edhe shefi i grupit parlamentar të Partisë Socialiste, Taulant Balla.

Në reagimin e tij, Balla shprehu dhimbjen për humbjen e madhe për Kosovën dhe mbarë shqiptarinë, duke theksuar kontributin e Nexhat Dacit në ndërtimin dhe konsolidimin e institucioneve të Kosovës.

Ai, në emër të Grupit Parlamentar të Partisë Socialiste në Kuvendin e Shqipërisë, u shprehu ngushëllime familjes, miqve dhe bashkëpunëtorëve të tij.

“I trishtë lajmi për ndarjen nga jeta të ish-Kryetarit të Kuvendit të Kosovës, akademikut dhe profesorit Nexhat Daci. Populli i Kosovës dhe mbarë shqiptaria do ta kujtojnë profesorin për kontributin e dhënë në ndërtimin dhe konsolidimin e institucioneve të Kosovës. Në emër të Grupit Parlamentar të Partisë Socialiste në Kuvendin e Shqipërisë i shpreh ngushëllimet familjes, miqve dhe bashkëpunëtorëve të tij. U prehtë në paqe”, thuhet në reagimin e Ballës./Arbresh.info