Google ADS

Mbahet Forumi i parë i Biznesit Kosovë – Portugali, priten investime nga këta të fundit

13:28 | 19 Qershor 2024
R J

Sot janë nënshkruar tri memorandume bashkëpunimi mes Kosovës dhe Portugalisë në kuadër të Forumit të parë të Biznesit midis dy vendeve.

Memorandumi parë që u nënshkrua ishte ai i Odës Ekonomike të Kosovës dhe Asociacionit të Bizneseve të Minho-s, pastaj Memorandumi i Bashkëpunimit ndërmjet Rrjetit Ndërkombëtar të Dhomave të Tregtisë Portugeze (RCCPM) dhe Odës Ekonomike të Kosovës, si dhe Memorandumi i Bashkëpunimit mes Studimeve Ekzekutive ISCTE dhe Universitetit për Biznes dhe Teknologji (UBT), raporton Ekonomia Online, përcjell Klan Kosova.

Ministrja e Punëve të Jashtme, Donika Gërvalla, ka deklaruar që Kosova gëzon potencial shumë të madh për investime në agro-kulturë, për çfarë edhe i ka ftuar bizneset portugeze për investime.

“Dy vendet tona kanë bërë progres të jashtëzakonshme  viteve të fundit. Kosova është vendosur si një partner i besueshëm në rajon, veçanërisht përmes përpjekjeve të saj në sundimi i ligjit, transparenca dhe qeverisja e mirë. Këto përparime kanë qenë ndërkombëtarisht te njohur, me Kosovën që renditet si një nga shtetet demokratike me përparimin më të shpejtë botëror”, ka thënë Gërvalla.

“Në vitin 2023, Kosova shënoi një rritje ekonomike mbresëlënëse prej 3.5%, që i atribuohet kushteve të qëndrueshme makroekonomike dhe rritjes së eksporteve”.

“GDP-ja jonë u rrit nga 8.9 miliardë euro në 2022 në 9.7 miliardë euro në 2023 dhe parashikohet të arrijë në 10.5 miliardë euro deri në vitin 2025. Inflacioni u ul nga 11.6% në 2022 në 4.9% në 2023 dhe pritet të bjerë më tej në 3.5% në 2024, duke krijuar një ekonomi të qëndrueshme mjedis tërheqës për investitorët”.

“Bujqësia është një tjetër fushë premtuese. Në Portugalia, bujqësia kontribuon me 2.1 për qind në PBB dhe punëson 6 për qind të popullsisë aktive. Kosova ka potencial të madh për investime në sektori i bujqësisë, veçanërisht në kultivimi i drithërave, frutave, perimeve dhe prodhimin e verës”, ka vijuar mes tjerash Gërvalla.

Ndërsa nënkryetari i Kuvendit të Portugalisë, Marcos Perestrello, ka thënë që do të vazhdojë mbështetja për Kosovën.

“Portugezet janë popull që janë të vendosur në gjithë botën, ne mbulojmë katër qoshet e botës por akoma nuk jemi në këtë pjesë të Evropës dhe në Ballkan. Lufta në Kosovë e sjelli kontingjentin e ushtrisë portugezë këtu në këtë vend, një forcë paqeruajtëse që luftuan për këtë vend”, ka thënë Perestrello.

“Ky ishte fillimi për një miqësi mes këtyre vendeve dhe Portugalia ishte nga vendet e para që e njohu Kosovën. Që nga atëherë është rritur një mbështetje e madhe për integrimet euroatlantike. Plagët që morëm nga lufta na kanë bërë neve më të fort dhe këto plagë na kanë bërë që të bashkohemi, kjo është arsyeja pse jemi mbledhur këtu”.

Shpërndaje në rrjete sociale