Marko Kepi kërkoi shkarkimin e Grenell, reagon djali i presidentit amerikan

21:14 | 23 Prill 2020
Arbresh.info

Kandidati republikan me prejardhje shqiptare Marko Kepi ka kërkuar që të largohet Richard Grenell si i dërguar për dialogun Kosovë-Serbi.

Në një email Kepi thotë se politikat e tij të gabuara e kanë shqetësuar së tepërmi dhe se mund ta çojnë në destabilitet Kosovën dhe rajonin, transmeton portali arbresh.info.

LEXO EDHE: Edhe politikani shqiptar në SHBA, Marko Kepi kërkon largimin e Grenell

E për deklaratën e tij ka reaguar djali i presidentit amerikan, Donald Trump i Riu, i cili ka shprehur mbështetjen e hapur për kundërshtarin e Marko Kepit, Mike Tannousis në garën për Staten Island dhe Brooklyn.

“Më është thënë që kundërshtari “republikan” i Mike vetëm sa ka bërë thirrje tek presidenti për të pushuar nga puna Richard Grenell. Duket se NewYorkGOP ka marrë vendimin e duhur për të mbështetur Mike në këtë garë”, shkruan Donald Trump Jr./arbresh.info/