Lëvizja “Vetëvendosje”, sot ka mbajtur një aktivitet simbolik, pranë Terminalit Doganor të Kosovës, më konkretisht në Fushë Kosovë. Në këtë aktivitet aktivistët e kësaj lëvizje vendosën një baner  duke shprehur pakënaqësitë me qeverisjen aktuale.

Në  këtë baner shkruhet, “Këtu grabitet ekonomia e Kosovës, shtjerret buxheti i shtetit dhe zbrazen xhepat e qytetarëve”, shkruan arbresh.info

Kryetarja e qendrës së Lëvizjes “Vetëvendosje”, në Fushë Kosovë dhe njëherësh edhe ish-deputete në Kuvendin e Kosovës, Albana Gashi, në këtë aksion simbolik të lëvizjes, ka deklaruar se çdo ditë shohim shkatërrimin e ndërmarrjeve publike në vazhdën e ekonomisë së vendit dhe interesit publik.

“Prapa këtyre shkatërrimeve po fshehën interesat publike dhe klanore, por këto interesa janë të lidhura ngushtë politika dhe krimi i organizuar, interesi i ngushtë dhe kapitali kanë kapur mendjet e zyrtarëve publik që nuk po shqetësohen për fatin e të pagjeturve”, ka deklaruar Gashi, në këtë aksion simbolik.

Ajo ndër të tjera tha së edhe lidhja me vetë shkatërrimin e Telekom-it, e shumë kompanive të tjera.

Po ashtu ajo nuk la pa përmendur edhe  kompaninë “Devolli Group”.

“Kompania ‘Devolli Group’, është sinonimi i ekonomisë së kapur, politikës së  kapur, pushtetit të kapur dhe shtetit të kapur”, ka deklaruar Albana Gashi./Arbresh.info/

https://www.facebook.com/arbresh.info/videos/366757813930781/