Deputeti i Partisë Demokratike të Kosovës (PDK), Mergim Lushtaku ka thënë se kandidati për kryeministër nga kjo parti, Bedri Hamza nuk premton kot, por punon për një Kosovë të drejtë.

Sipas Lushtakut Kosova meriton më mirë.

Ai thotë se është koha për një udhëheqje që sjell stabilitet dhe zhvillim të vërtetë ekonomik, për arsim cilësor dhe sistem shëndetësor që vendos qytetarin në qendër.

“Koha kur partitë e vogla e shihnin karrigen e Kryeministrit si dhuratë me rrotacion ka përfunduar. Kosova nuk ka nevojë për eksperimente politike dhe premtime boshe. Është koha për një udhëheqje që sjell stabilitet dhe zhvillim të vërtetë ekonomik, për arsim cilësor dhe sistem shëndetësor që vendos qytetarin në qendër. Me Bedri Hamzën, ndryshimi i vërtetë është i mundur. Ai nuk premton kot, por punon për një Kosovë të drejtë dhe të fortë. Kosova meriton ma mirë!”, shkroi deputeti në Facebook./Arbresh.info/