Raportuesja e Parlamentit Evropian për Kosovën Ulrike Lunaçek ka ftuar pesë shtetet e BE-së të cilat nuk e kanë njohur pavarësinë e Kosovës që ta bëjnë këtë dhe mos ta bllokojnë rrugine Kosovës për në BE.

Deputetja austriake ka thënë se Kosova edhe pas shtatë vitesh ndihet se nuk është e mirëseardhur në Bashkimin Evropian.

Lunaçek i ka bërë thirrje qeverisë së Kosovës që të bëjë çdo gjë që të përmirësoje kushtet ekonomike dhe sociale të qytetarëve në mënyrë që të zvogëlojë numrin e emigrantë në shtetet perëndimore dhe të përshpejtojë liberalizimin e vizave.

“Liberalizimi i vizave është i rëndësishëm për qytetarët në Kosovë të cilën ende ndihen të mbyllur dhe të izoluar”, ka thënë Lunaçek.